قصيده من عبق الحب وطول التجارب مع السنين وهذه القصيده حصرية لكم .....
صبّحك بالخير يا أحلا وجه صبّحني
يا طلعة البدر كل الخير بعيونك
سلام مديت لك يمناي صافحني
أموت وأحيا بكيف الحال، وشلونك؟
ريحك من أقبلت يقفاني وينطحني
وأشوف برق الدجى في لمعة سنونك
سر الغلا شايفه بحجاجك المحني
والسحر بعيونك الخدرات وجفونك
بالهون لا ترفع الغدفه وتفضحني
أنا صريع المها اللي لونها لونك
وأنا جريح الهوى والزين يجرحني
قبل أمس عاقل وصرت اليوم مفتونك
ما دمت بالحب صارحتك فصارحني
وش لي بقلبك عسى العذال يفدونك؟
يا راحة البال يا ذبّاح ريحني
ما بيك تسمع كلام اللي يعذلونك
الله يسامحك وأنت إن مت سامحني
أشيل بين الحنايا خافي طعونك
والله يبيحك ولو نيّتك تذبحني
تغضي وتضحك وسور الصين من دونك!
[center][b]